شكراً سبيستون – بقلم د. عبدالله باهي


احنا جيل عدنان ولينا، احنا اللي اتزرع فينا معاني الصداقة الحب، اتعلمنا من عبسي إن الشكل مش كل حاجة، طول ما اللي جواك نقي وعفوي هتكسب حب الناس
إتعلمنا من ماوكلي إنك انت اللي بتصنع نفسك، إنت اللي بتختار مبادءك اللي عايز تمشي عليها، حتى لو متربي مع قرود أو شوية ذئاب
عشنا أيام صعبة مع أبطال الديجيتال، وشفنا إنك عشان تعيش لازم تتأقلم مع عالمك في كل لحظة، ومهما وقعت لازم تقف وتكمل مشوار البحث
احنا جيل جريندايزر، جيل إتربى على إن الخير بينتصر في الآخر مهما كان الشر أكبر و أقوى
اتعلمنا روح الفريق مع سابق ولاحق، معاني الصداقة والأخوة والتضحية في عهد الأصدقاء، حب اخواتنا الصغيرين مهما غلطوا في أنا وأخي، عشنا روح الشجاعة في الرمية الملتهبة وداي الشجاع، اتزرع فينا حب الوطن من صقور الأرض وهزيم الرعد، أخدنا مبدأ التضحية بالروح لغاية أسمى من فرسان الأرض، عدم الاستسلام والإيمان بهدفك مهما كان كبير في بينكي وبرين، والعفو من اللي آذوك من سالي
احنا اللي شفنا حسان بيكون سبب في فوز فريقه لما كان سبب في هزيمته في سلام دانك، والإصرار على الفوز مع كابتن ماجد، اتعلمنا الدهاء من سندباد، والحب من ريمي، والذكاء من القناص، والعبقرية من عبقور

كانت سبيستون منصة كل ده، كانت الشاشة المفضلة لمعظم الأطفال من جيل التسعينات وأواخر الثمانينات
يمكن معنى القيم والمبادئ دي مكنش واضح لينا في البداية، بس بلا شك اتزرع في لا وعينا من كتر ما شفناه، وإدانا أساسيات نقدر نواجه بيها مصاعب الحياة والظلم اللي كبرنا واحنا شايفينه. ده غير إنه قوى لغتنا العربية الفصحى، وأشغل وقتنا قدام التلفزيون بحاجة هادفة لما كنا ممكن نتفرج على قنوات تهدم أخلاقنا
بزعل لما بشوف الجيل الجديد فايته كل ده، وبزعل أكتر لما بشوف مسلسلات الكرتون الجديدة اللي بلا هدف، بلا قيم. لازم يكون لينا دور عشان نرجعلهم الزمن بتاعنا، ونعرفهم على الأساطير اللي كبرنا معاهم، يمكن نصلح حاجة من اللي خربه الإعلام الجديد
لازم نكون قدوة ليهم في زمن فقد فيه القدوة، ونثبت انه احنا جيل المبادئ والقيم، جيل الإصرار والتحدي والعزيمة، احنا شباب المستقبل

شكراً سبيستون

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s